Maghef zegren imajjen nu garziz

Source : Radio Batna
Program : hanfust(3/9/07)
Presented by Mohamed Salah Ounissi

Chra m wass, agarziz yezra ighid' d'amaziane inaggaH d'i sajraT. Yenna ugarziz d'eg ul nnes : metta ahyughen waya? u ye3na yennes : maghef hnagHad' d'i sajraT a yighid'?

Yennes yighid' : lHal yeSmed', khsegh ad' felqagh isgharen bach ad' zeghlegh d'i lmess. Agarziz yella ghers ul yeHla, ichiffiT yighid', ikhammem amachwar u yenna : arja, ach3awnegh, iDalli a nech tSagh mliH, a nech qaddagh fi iman inugh.

Yusid ugaraziz, imaraH, ibedd f iDarren inaggura u yengaH sajraT s yikhf. A yagarziz azawali, ikhf nnes yud'ef jar n tfaliqin, ud'inajjim ad' yerg. Seg sattar d'u wazwaz, yeqqim yil. Agarziz yechargheT, u yetnada ighid' bach ah isallek.

Ighid' yekker yettaf agarziz seg imajjen, ijabbed' ijabbed' ald yaqrab as yebbi ikhf. Netta ijabbed' w imajjen nu garziz tazguiren. si sid'in sman imajjen nu garziz d'izagraren.

LHikmeT n wassa : TaHla TmuggiT n lkhir, beSaH d'eg mkan nnes.

AMAWAL

• agarziz : rabbit
• imajjen : pl. of amajju, ear
• ighid' : baby goat
• ikhf : head
• iDarren : feet