haserkist yettemghiren

Source : RadioBatna
Program : hanfust* (23.7.07)
Presented by Mohamed Salah Ounissi

Agarziz itHawass d'i lghabeT, ittet sya, isess s yun. hahheh.. huDid f yekhf nness chra n twarqiT tamazyent si sejreT. Agarziz d'magged' yefreg, yuzzel ghad'i d' wawra, itnaguez, itenneD. IlaqqeT yinsi, yennes : machyughen ay agarziz? Agarziz yennes : huDid fella hiwarqeT n tsattoT u ferguegh

Insi yekker itezzel, ilaqqa had'muT, mani hilled? Insi yennes : huDid chan tsattoT d'i lghabeT. had'muT hucha iDarren nness i waDo, u hakker hatraba3 u hatazzel. Ilaqqet u much abarrani, a chem .... u hatezzeled', machmughen? hannes had'muT : .... sjor nubbint si zuran u Dinet kul.

Yuzzel u much abarrani swa idyiwi, u netta yeghli f tizi, yufa zdeTes lqard'. Yennes lqard' : bHal hzarbed', mani hatezzeled'? Yennes u much abarrani : metta akinigh, arwal arwal akd chek , u lataqqim u la sejreT, hwanet kull, la akd chek aqqel man etafred' ikhf nnek.

Ikhf inu? Rjaya qli, ad' agregh hitt inu. Lqard' yegra hitt innes .... aldnek lghabeT war3ad' uruch memek hella, netteT d' netteT, tazizaweT, ighazren ttezalen amu zik, hanaffuT n waDu d' riHeT haffu.... am tmattuT ithayalen ikhf n memmis ... , afrug nness am tqayyeraT iserrin hakuziT nness s la3qal

Lqard' yeDren gher u much, u yennes : wak yennen? had'muT ayennen. Lqard' ya3na had'muT, iSaqset : wam yennen? D'yinsi eg zrigh itazzel. Lqard' ya3na insi u yennes : wak yennen? Yennes yinsi : nech d'agarziz ay yennen. Lqard' ye3na agarziz u yennes : maghef hrawled'? Agarziz yennes : tawarqiT n sejreT ay srabzen u rawlegh. D'aya bark? Yennes d'aya bark.

Imerd'in lqard' ya3na lHiwan n lghabeT kul, ilamd'ihend, u yennessen : hazrim metta higa hsarkiset hamazyanet, kul yichet ssiwen iranni fu serkis n wumes aldi hawDem etakhlem lghabeT seg imasdegh nnes, wa tassuqam duniT. Lukan insi ikhammem d'i hizli nu garziz u yefret d'in d'in aT yebbi asarkiset d'eg mezwaru, et hansa l3afifT, u lukan kamlegh nech rawlegh id'n yyiD, enerwal kul wa ttuqa duniT, u litqima lagad Had d'i lghabeT. Seg assa, akumneS Hagh, wakm inigh : wa yeslin awal ad' ikhammem d'is.

AMAWAL

• agarziz : rabbit
• insi : hedgehog
• had'muT : gazelle
• much abarrani : wild cat
• lqard' : monkey, derived from Arabic
• l3afifT : fire
• maghef : why
• TaqayyareT : young lady

* You can catch hanfust on mondays, 10 pm dz time.