Hixsi e∂ Yinsi

Originally posted in chawinet

Hixsi e∂ Yinsi/Êebruga
By Muhend MEZIANI

Hixsi e∂ Yinsi/Êebruga

Yella wa gellan yuca anegh Rèbbi a geh°lan
∂eg imer en zik° hella Êebruga
Nettaø e∂ yinsi a memm i Gaga
Arja i wemek°li, i wemensi et tamèrzeggwa
Hazdemt i henezzayø, i hemeddiø essriga

Yella wa gellan yuca anegh Rèbbi a geh°lan
Hazdemt i henezzayø i hemeddiø essriga
Id yewwi yinsi wa ed yas duga duga
∂eg wexxam hessu sakku nettaø hejell luga
Si heqebàt hekkes ed aren e∂ aghrom i heggwa

Yella wa gellan yuca anegh Rèbbi a geh°lan
Hettìqqeø hixsi ur yeqim ∂i is lexwa
Hak°ettufø en es herezzèm ∂ira ahat tejwa
Nnigh ∂ira ahat teç at terwà
Hemsel am tebserø ur it yetta∂ef lehwa

Yella wa gellan yuca anegh Rèbbi a geh°lan
Yerni ghar es yezmer am tebeserø yemsel
Fell as hettaggwa∂ ur øezmir at te∂ell
Ma yesmè∂ lh°al nnigh yuøa we∂fel
I-is ffern wussan ur eø nèzri ukkwel

Yella wa gellan yuca anegh Rèbbi a geh°lan
Awalen jar asen e∂ essber hiwe∂i si sen hefessi
Yeqqar ihen ∂ira aha-ed yexlè∂ yinsi
A-hen yini, si ∂axel a-as tessiwel hixsi
A-as terzèm hemasexø a∂ çen ∂i lehna a memm i

Yella wa gellan yuca anegh Rèbbi a geh°lan
Ass ∂in yesla wuccen matta as yenna
Swa swa ila at teçegh, yeb∂u yetghenna
Ddaber inu ef ddaber en es ake∂ ma huli ajenna
Ma ur teçigh ur lligh e∂ ayyaw en ∂add a e∂ nann a

Yella wa gellan yuca anegh Rèbbi a geh°lan
Rzèm hemasexø en neç id yusin seg werèqquc
Si-im ed wwigh halma et tennewwàrø en umèrquc
Haghighayø e∂ ugheggwa∂ e∂ qbabuc
I geh°lan yeqqim werêa∂ ur yuc

Yella wa gellan yuca anegh Rèbbi a geh°lan
Yus ed gher Êebruga yetxaøal yexs a-et ileqqem
Yenna as wwigh am ed hazdemt rzèm
Nnewwàr e∂ azeggwagh, agestur e∂ azizazw e∂ wulem
Rzèm a Êebruga e∂ imir an narem

Yella wa gellan yuca anegh Rèbbi a geh°lan
Hesla Êebruga awal yezzewwer
Ur nnumegh, hazdemt aya quh° henewwèr
Wi geçin si is a∂ iwella ih°ewwèr
Haneggaruø a∂ yeqqim hameddurø ikewwer

Yella wa gellan yuca anegh Rèbbi a geh°lan
Yukez wuccen huølayø ifaq
Yezrà belli ur yetta∂ef ake∂ ef ttàq
Yenna kifkif ma isàh° ay ed essfaq
Ma ulac en teênunt eç bèrk èrrqaq

Yella wa gellan yuca anegh Rèbbi a geh°lan
Yuyir ghel lemjerrèb yexs a∂ as yini
Mammek° aha∂ yeszedd awal en yimi
Rzèm imi en ek° ∂eg wellagh en yini
I hek°è∂fin a∂ a∂fent wa∂ ryent ah°nin i
Awal a∂ izedd ∂i hebleh°uh°ø zuni

Yella wa gellan yuca anegh Rèbbi a geh°lan
A getwalan êebruga yus ed
Iraêa amma e∂ wamma iqedd
Gher temasexø yuyir gedged
Yenna as Êebruga rzèm hazdemt hexlè∂ ed

Yella wa gellan yuca anegh Rèbbi a geh°lan
Herzèm Êebruga hemna∂ uccen
Uylan mellen rnin qè∂êen
Usin ed yezmaren imeghban a∂ rewlen
Fell asen yufi ifelleq as hen wuccen

Yella wa gellan yuca anegh Rèbbi a geh°lan
Yetwara∂ ed yinsi yeb∂u yettetfay
Yirar it wuccen e∂ mizray
Yenna as i hixsi ffer ay
Yya e∂ imsebdri∂en ghar em ttèf ay

Yella wa gellan yuca anegh Rèbbi a geh°lan
∂i heqebbàt it tessi∂ef
Zzaø ma aha∂ yerrefref
Rsin ∂i is es teyyiøa am yilef
Haneggaruø heh°uz iø ∂eg exf

Yella wa gellan yuca anegh Rèbbi a geh°lan
Yemmuø wucen heqqim ed henfust
Uccen e∂ lbatèl
Heqqim ed hixsi mebla izmaren et tameghbunt
Insi e∂ lefh°el
Mmuøen yezmaren roh°en e∂ lmunt
Amma hella si hemeddurø en tixsi et telghemt.
Huqqa heqsìt ur uqqin yir∂en et temzìn.